:: Hósti og hor ::

Ekki get ég nú sagt að þetta ástand á mér sé í uppáhaldi. Hósti og hor í nefi er það sem einkennir mig þessa dagana og satt að segja þá er ég orðin ótrúlega leið á þessu. Ég virðist ekki koma neinu í verk á heimilinu né annarsstaðar... en það fylgir þessu kanski bara. Nú bíð ég bara eftir því að fá heilsuna mína aftur svo að ég geti farið að gera eitthvað af viti hehe...

:: Hvernig fæ ég nennið mitt aftur? ::

Mig langar að prjóna nýja lopapeysu á kallinn..... en ég nenni því ekki
Mig langar að vera duglegri í húsverkunum.........en ég nenni því ekki
Mig langar að baka eitthvað spennandi.................en ég nenni því ekki
Mig langar að hreyfa mig meira..............................en ég nenni því ekki

Það er bara ekkert nenn í mér þessa dagana

:: Sveitasæla ::

Veit ekki alveg hvað er að gerast eiginlega... tvisvar sinnum á einni viku er ég búin að fara austur á Ægissíðu, og það er bara yndislegt. Enn bara komin 4 folöld, en það styttist í fleiri. Þessi litlu líf sem að vorið færir manni eru svo krúttleg.

Svo tók ég líka mynd af Söru sætu með hryssunum sínum Prinsessu og Máney.........



En svo lenti ég í því að frekar fallegur fugl flaug yfir þegar ég stóð úti í girðingu.... ég sá ekki hvaða fugl þetta var... en ég giska á uglu..... en þið???

:: Hvert fór sumarið?? ::

Ég get svo svarið fyrir það að á þessum tíma árs á að vera komið nokkurs konar sumar. En nei... nú er 1° hiti (sem sagt skítakuldi) rok og af og til er búið að vera slydda hér í dag. Kanski á maður ekki að vera að kvarta þar sem að engin aska hefur sést hér, maður á kanski bara að vera þakklátur fyrir blessuðu norðanáttina. En þrátt fyrir skítakulda, rok og slyddu þá ákváðum við hjúin að grilla okkur svínakótilettur og fínerí.

::Ný byrjun::

Er ekki málið bara að minnka notkunn á facebook og blogga í staðinn? Ég er að spá í að prufa það allavegana.

Nú er komið að blessuðu þrifunum í skólanum, en það styttist óðum í hið langþráða sumarfrí... jibbý!! En það eru samt einhverjar vikur í það enn þannig að málið er bara að massa þessi þrif og vera búin sem fyrst. Undanfarnar vikur er ég búin að vera í letikasti dauðans, og það er ekki laust við að ég skammist mín örlítið fyrir það. Ídag ákvað ég að vera sniðug og skella mér á Ægissíðuna fögru og váá hvað það var ljúft, það er allt of langt síðan ég hef farið þangað. Mamma, Sara og Dóra Birna komu með og við kíktum á folaldsmerarnar og tryppin líka, enn sem komið er eru bara komin fjögur folöld. Á heimleiðinni kíktum við í kaffi á Þorfinnsstaði og ég fór heim með fullan dall af eggjum sem að eiga eftir að koma að góðum notum. Þegar heim var komið fór ég í þrif-gírinn og tók aðeins til hendinni, merkilegt hve vel manni getur liðið eftir svolítil þrif.